andreasetagudrun

«argiak igotzen jarraituko du nire titiak edoskitzeko» Palestinako poesia 3/4 [Xeikh+Ghabarijeh+Mohammed] [poetische samizdat]

In kolaborazioak · Zusammenarbeiten,martitzen pamphletarioak · faszikulukakoak on 2012/06/05 at 08:03

Palestinatik hirugarren talka gaurkoan.

Aurreko alean hemen dituzu: 1/4 eta 2/4 .

Hementxe duzu pedeefea Xeikh, Ghabarijeh eta Mohammeden olerkiekin:

31 palestina c

>derSchmähschriftFürDenKulturwiderstand<

 

Gudrun Ensslin &Andreas Baader

 

Walid Xeikh (Daixe eremua, Belendik gertu, Palestina)

Sinistu gabe txikia izatea, 2007.

 

BEHIN IKUSI ZAITUT BUSEAN

Seriotasunez sartu naiz autobusean eta ez diot inori irribarre egin. Bat-batean

igo zintezke. Lehen unean zu ikusteko prest egon behar naiz.

Zure poltsa eror daiteke

honakoan.

 

Jendeak zure gauzak jasotzen lagunduko lizuke,

bada ezpada, satina daukazu poltsan,

ile finarentzako euskarriak, ile beltz eta astunarentzako guraizeak,

ezpainetarako marroia, eta agian idazkera mikroskopikoan

[erredaktatutako alderdiaren manifestua izan daitekeen liburu bat,

edo agian eleberri bat zeinaren izenburuak bizitzaren mikaztasuna islatzen duen

zentzu ezberdinetan, adibidez: Maitasuna koleraren garaian!

edo gida bat zeinetan notatzen dituzun urruneko

[hiriburuetan dituzun ezagunen zenbakiak.

 

Zure praka ere marroia da,

zuregan dena da gutxi gora behera marroia,

egiatan, udazkenaren antza duzu

eta hori maite dut.

 

Duela bi urte eta erdi autobusean ikusi zintudan behin

eta ez zaitut berriz ere ikusi.

IGAROBIDEA

 

Kohola dagoen poltsa, makillajea eta hilabeteko sekretuak

sorbaldan

bi ezpain lodi Manarako plazan

Tel Aviveko kaleetan haurrek heriotza opatu dute

emakumeek beren zoritxarra madarikatu dute

baina igarotzen diren aldiro

fallafel kroketak olioan erretzen ari dira

ile-apaintzaileek buruetan ahazten dituzte guraizeak

eta pentsamendu ustelek hega egiten dute Rukab karrikan.

 


EZ DUT DEUS

 

Ez dut deus oroitua izatea merezi duena

HIESik ez

Kultura edo Ingurumenaren ministro izateko

gobernuaren proposamenik ez

 

UNRWA1ren hornimendu txartelik ez

alderdi komunistarenerik ere ez.

 

Kaltzioa falta zait

eta ez dut Green Cardik

ezta Ameriketarako visarik

 

ezta herrialde bat Apatxe2en aurkako salaketa jartzeko.

OPORRAK

 

Beren gauaz harro dauden bizilagunen bide hezeetan

jaikitzen garenean

haien azpiko arropa zabaltzean

eta mihi lotsatiz mintzatzean

estasiak karraskatutako haien hezurretan

esan nahi du Mirkava3 oporretan dagoela.

Zakaria Mohammed (1950 Al-Zauia, Nablusetik gertu, Palestina)

Zaldiak Askadar gurutzatu du, Al Karmel aldizkarian argitaratua, 1997.

HERIOTZA RAMMALAHN

Gaur gauean

ispiluaren aurrean biluzik nago

nire etxearen atondotik igotzen den ilargi betearen argian.

Gaur gauean nire gainera tiro egingo dute

ispilutik

edo nire gelatik ikus dezakedan

Besgut koloniako fusil batetik.

Hilko naiz

hilko naiz.

Eta argiak igotzen jarraituko du

nire titiak edoskitzeko.

Aiman Ghabarijeh (1971, Um El-Fahm, Palestina)

Neure burua barreiatu dut eta inork ez du nire antza, 1997.

EBRAIERAZ IDAZTEA

Badut zuretzako paper bat,

ondo doakizun paper bat:

heroiaren laguna.

Heroinarekin egotea irabaziko duzu.

Zin egiten dizkizut ere plano hurbilak.

Agian kantatzeko aukera izango duzu.

Beraz, zer diozu?

Ebraieraz idaztearekin ados zeundeke?

BEGI BAKARTIA

Gutako batek bere lurra galdu zuen hemen

orain buztinezko hatz-marka batek inguratzen gaitu,

fronteko begi bakartia.

Orain erraustu da,

buztinaren alboko betile erauziak

negar egingo balitu bezala,

orain betazalak itxi ditu.

1(F.i.o.) Libano, Siria eta Jordaniako palestinarren eremuez arduratzen den NBEren erakundea.

2(F.i.o.) Helikoptero militarra.

3(F.i.o.) Gerra-gurdi israeldarra.

Advertisements

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

%d bloggers like this: